„სამხედროები დაიღუპნენ – ვიზიარებ დაღუპულთა ოჯახების მწუხარებას და თურქ ხალხს გამძლეობას ვუსურვებ“ – ილჰამ ალიევი

აზერბაიჯანის პრეზიდენტმა ილჰამ ალიევმა მომხდარ ავიაკატასტროფასთან დაკავშირებით თურქეთის პრეზიდენტს, რეჯეფ თაიფ ერდოღანს, თანაგრძნობა გამოუცხადა.

თავის სამძიმრის წერილში ალიევი აღნიშნავს, რომ ტრაგედიის გამო გულწრფელად იზიარებს თურქი ხალხის ტკივილს და სოლიდარობას უცხადებს დაღუპულთა ოჯახებსა და ახლობლებს.

„ღრმად დამწუხრებულნი ვართ იმ ინფორმაციით, რომ საქართველოში ჩამოვარდა თურქეთის სამხედრო-სატრანსპორტო თვითმფრინავი, რომელიც განჯიდან ასრულებდა რეისს. ამ მძიმე წუთებში გულწრფელ სამძიმარს გიცხადებთ როგორც ჩემი, ისე აზერბაიჯანის ხალხის სახელით. ვიზიარებ დაღუპულთა ოჯახების მწუხარებას და თურქ ხალხს გამძლეობას ვუსურვებ,“ — ნათქვამია ალიევის განცხადებაში.