რუსეთმა მასიური შეტევა მიიტანა უკრაინის ქალაქ ოდესაზე, შედეგად ქალაქის 250 ათასზე მეტი მცხოვრები ელექტროენერგიისა და გათბობის გარეშე დარჩა. აღნიშნულის შესახებ ოდესის მერმა, გენადი ტრუხანოვმა განაცხადა.
ოდესის მერის თქმით, რუსეთის თავდასხმის შედეგად ელექტროენერგიისა და გათბობის გარეშეა დარჩენილი 14 სკოლა, 13 საბავშვო ბაღი და 500-ზე მეტი საცხოვრებელი სახლი.
„ქალაქის მჭიდროდ დასახლებულ რაიონზე რუსეთის მასიური თავდასხმის შედეგად მოსახლეობას არ აქვს ელექტროენერგია, წყალი და გათბობა. გათბობის გარეშე დარჩა საავადმყოფოები, კლინიკები და სოციალური ინფრასტრუქტურის ობიექტები“, – განაცხადა ტრუხანოვმა.
მასალის გამოყენების პირობები
