ზოგჯერ ვერც კი ვაცნობიერებთ, რამდენი დედა ან მამაა მსოფლიოში, რომლებიც მარტო ზრდიან შვილებს. თუმცა ორმშობლიან ოჯახებშიც არის სიტუაციები, როცა დედა ბიჭუნასთან ერთადაა გასული მამის გარეშე ან მამას ახლავს პატარა გოგონა დედის გარეშე. ბუნებრივია, ამ ვითარებაშიც საჭიროა ზოგჯერ ბავშვის საპირფარეშოში გაყვანა. ჩნდება კითხვა: რომელ ტუალეტში უნდა შეიყვანოს დედამ ბიჭი ან მამამ გოგონა?
განვითარებულ ქვეყნებში პასუხი უფრო მარტივია – დედა-შვილის ოთახში ან შშმ პირთა ტუალეტში. მაგრამ რა ხდება მაშინ, თუ ასეთი საპირფარეშო არ არის ხელმისაწვდომი? ამ სიტუაციამ შეიძლება სრულიად დააბნიოს ახალგაზრდა, გამოუცდელი მშობლები.
რომელ საპირფარეშოში უნდა შეიყვანოს მამამ გოგონა?
ბევრი იფიქრებს, რომ უფრო მოსახერხებელია გოგონას ქალთა საპირფარეშოში წაყვანა, მაგრამ ქალთა საპირფარეშოში შეიძლება თავად მამამაც უხერხულად იგრძნოს თავი და იმ ქალებმაც, რომლებიც იმ დროს საპირფარეშოში არიან.
სინამდვილეში, არ არსებობს ერთი სწორი ვარიანტი. არჩევანი დამოკიდებულია კონკრეტულად გოგონას ასაკზე და მამის შეხედულებაზე. გთავაზობთ მოქმედების რამდენიმე ვარიანტს, თითოეული მათგანი კონკრეტულ სიტუაციას შეეფერება.
თუ გოგონა ძალიან პატარაა – დაახლოებით 3-4 წლის – მაშინ მამამისს მასთან ერთად ჯიხურში შესვლა და დახმარება მოუწევს.
ოღონდ თან ასწავლეთ თქვენს შვილს ყველაფერი თავად გააკეთოს და ამ მომენტში თავი აარიდეთ ისე, რომ მან გაიგოს, რომ პატივს სცემთ მის პირად საზღვრებს. თუ ბავშვთა გასართობ ცენტრში ხართ, შეამოწმეთ, არის თუ არა ბავშვის სიმაღლეზე განთავსებული უნიტაზები. შეიძლება ზუსტად იმხელები იყოს, როგორც საბავშვო ბაღშია და სამი წლის ასაკის ბავშვები უკვე მიჩვეულები არიან მას. ამ შემთხვევაში, მამას შეუძლია ქურთუკი და ზედმეტი ტანსაცმელი გამოართვას და ჯიხურში მარტო დატოვოს, თვითონ კი გარეთ დაელოდოს.
თუ გოგონა 5-6 წლისაა, ის უკვე დამოუკიდებლად გაუმკლავდება ყველაფერს და მამას არც კი მოუწევს ტუალეტში წასვლა. მაგრამ შეიძლება ბავშვმა უთხრას, რომ ეშინია მარტო წასვლის. ამიტომ მამამ ჯობს რიგში მყოფ ქალებს სთხოვოს, ყურადღება მიაქციონ გოგონას. ან თუ დიდი სივრცეა, მამა შეიძლება შევიდეს და ბავშვს ხელსაბანებთან დაელოდოს.
თუ ქალების ტუალეტის დიდი რიგია ან მამას ერიდება ქალთა საპირფარეშოში შესვლა, შეუძლია მამაკაცების ტუალეტშიც შეიყვანოს. ოღონდ ჯერ მამამ სიტუაცია უნდა „დაზვეროს“- დგანან თუ არა მამაკაცები შარდსადენებთან და არის თუ არა თავისუფალი ადგილები. ან მამას შეუძლია სხვა მამაკაცებს შეუთანხმდეს და ცოტა ხნით მარტონი დატოვონ საპირფარეშოში.
ასევე მნიშვნელოვანია ტუალეტის სისუფთავის შეფასება. უმჯობესია, მშობელს თან სველი ხელსახოცი ჰჰონდეს, რომლითაც უნიტაზის რგოლს გადაწმინდავს. გოგონას ჰიგიენის დაცვა საზოგადოებრივ ადგილებში ძალიან ადრეული ასაკიდან ასწავლეთ, შემდეგ კი 5-6 წლის შემდეგ ის ყველაფერს სწორად გააკეთებს სხვისი დახმარების გარეშე.
მთავარია გაკვირვებულ ქალებს რაც შეიძლება თავაზიანად აუხსნათ, რომ ბავშვი თქვენს გარეშე ვერ უმკლავდება. როგორც წესი, ამ სიტუაციას ყველა გაგებით ეკიდება და ძალიან იშვიათად, რომ ვინმემ გააპროტესტოს. ასე რომ, ნუ მოგერიდებათ.
არ დაგავიწყდეთ გახდა იმ სამოსის, რომელიც ხელს შეუშლის, ასევე შეახსენეთ, რომ ხელების დაბანა არ დაავიწყდეს.
რომელ საპირფარეშოში უნდა შეიყვანოს დედამ ბიჭუნა?
ისევე, როგორც მამა-შვილის შემთხვევაში, დედა იძულებულია შვილს ტუალეტში გაჰყვეს, თუ ის ჯერ კიდევ პატარაა და დამოუკიდებლად ვერ უმკლავდება, ან მარტო წასვლის ეშინია.
როგორც წესი, 4 წლის შემდეგ ბავშვს უკვე ტუალეტში წასვლა ყოველგვარი დახმარების გარეშე შეუძლია.
როგორც წესი, დედები ბიჭთან ერთად ქალთა საპირფარეშოში შედიან, რადგან პატარა ბიჭს ცოტა ადამიანი აქცევს ყურადღებას, ზოგი ქალი კი, როგორც დედა, ამას გაგებით შეხვდება. სამაგიეროდ, ქალი მამაკაცის საპირფარეშოში თავს არაკომფორტულად იგრძნობს და შეიძლება უფრო უხეში კომენტარების მოიმინოს. ამიტომ, თუ ბავშვს ჯერ არ შეუძლია დამოუკიდებლად მამაკაცის ტუალეტში შესვლა, უმჯობესია ქალის ტუალეტით ისარგებლოს.
ისევე, როგორც გოგონას შემთხვევაში, ბიჭსაც გახადეთ მოსაცმელი და მაქსიმალურად გაუთავისუფლეთ ხელები. თუ თქვენი დახმარებაა საჭირო, ერთად შედით ჯიხურში. ოღონდ თან ასწავლეთ თქვენს შვილს ყველაფერი თავად გააკეთოს და ამ მომენტში თავი აარიდეთ ისე, რომ მან გაიგოს, რომ პატივს სცემთ მის პირად საზღვრებს.
აუცილებლად ხაზგასმით აღნიშნეთ, რომ თქვენი შვილი იზრდება და მალე ტუალეტში თვითონ წავა. თანდათან გაზარდეთ დისტანცია და დამოუკიდებლობა ასწავლეთ, 4-5 წლიდან ნუღარ შეხვალთ ჯიხურში შვილთან ერთად, გარეთ დაელოდეთ. დარწმუნდით, რომ ტუალეტის სავარძელი სუფთა დატოვა – პატივი ეცით მათ, ვინც თქვენს შემდეგ შემოდის. ასწავლეთ, რომ ტუალეტის გამოყენების შემდეგ ყოველთვის დაიბანოთ ხელები.
რა უნდა გააკეთოთ, თუ სხვადასხვა სქესის ბავშვები გახლავთ?
ამ სიტუაციაში ყურადღება უნდა მიაქციოთ ბავშვის ასაკს. პრიორიტეტი ენიჭებათ პატარებს, რომლებიც რიგში დიდხანს ვერ დადგებიან და თქვენს გარეშეც ვერ გაუმკლავდებიან.
თუ დედა სხვადასხვა სქესის შვილებთან ერთადაა, ჯობს ქალთა საპირფარეშოში შევიდეს. უფროსი ცალკე ჯიხურში შევა, პატარა კი დედასთან ერთად. უფროსს აფრთხილებთ, რომ ხელსაბანთან დაგელოდოთ.
თუ მამაა სხვადასხვა სქესის შვილებთან ერთად, საუკეთესო ვარიანტია, რომელიმე ქალს სთხოვოს გოგონაზე თვალყურის დევნება. თავად კი ამ დროს შვილთან ერთად მამაკაცების ტუალეტში წავიდეს. ეცადეთ ყველაფერი სწრაფად გააკეთოთ, რომ გოგონა უყურადღებოდ მარტო არ დარჩეს.
შეეცადეთ ბავშვებთან ერთად ერთსა და იმავე ტუალეტში წახვიდეთ – ქალის თუ მამაკაცის. მაგრამ ამისათვის ჯერ უნდა დარწმუნდეთ, რომ ამ სიტუაციაში არ იქნება უხერხულობები. შეამოწმეთ, რომ ჯიხურები თავისუფალი იყოს. შეუთანხმდით სხვა მამაკაცებსა და ქალებს. მოკლედ, სიტუაციიდან გამოსვლის რამდენიმე გზა შეგიძლიათ მოიფიქროთ, მთავარია ბავშვები უყურადღებოდ არ დარჩნენ. წყარო
