რისკი ძირითადად იმ პროდუქტებს უკავშირდება, რომლებიც ალუმინის მარილებს შეიცავს – რომელი ანტიპერსპირანტი (არ) იწვევს სიმსივნეს? – რას ამბობს ექიმი

ექიმი ირმა უკლება აცხადებს, რომ ყველა ანტიპერსპირანტი სიმსივნის გამომწვევი არ არის და რისკი ძირითადად იმ პროდუქტებს უკავშირდება, რომლებიც ალუმინის მარილებს შეიცავს.

მისი თქმით, აღნიშნული ნივთიერებები შესაძლოა ლიმფურ კვანძებში გროვდებოდეს და მკერდის კიბოს განვითარებასთან იყოს დაკავშირებული.

„ყველა ანტიპერსპირანტი სიმსივნეს არ იწვევს. სიმსივნეს იწვევს ის ანტიპერსპირანტი, რომელიც შეიცავს ალუმინის მარილებს.

ალუმინის მარილები გროვდება რეგიონალურ ლიმფურ კვანძებში, მერე კი მკერდის სიმსივნე ნამდვილად ვითარდება სწორედ ალუმინის მარილების გამო. მაგრამ ჩვენ შეგვიძლია თავი დავიცვათ ძალიან კარგად, იმიტომ რომ წავიკითხოთ ელემენტარულად შემადგენლობა – არის თუ არა ანტიპერსპირანტში ალუმინის მარილები, რომელსაც ჩვენ გამოვიყენებთ. თუკი არ არის, არანაირი საფრთხე არ გელოდებათ“, – ამბობს ირმა უკლება.