რა არის ჰარვარდის თეფშის წესი, როგორ ვიკვებოთ ჯანსაღად და ბიუჯეტურად?

დიეტოლოგი, ნატალია გოგავა „დილა მშვიდობისა საქართველოს“ ეთერში ამბობს, რომ არსებობს ძვირადღირებული პროდუქტების ალტერნატიული ბიუჯეტური საკვები პროდუქტებიც, რომელსაც იგივე ეფექტი და დადებითი გავლენა შეუძლია მოახდინოს ჩვენს ჯანმრთელობაზე, როგორც ეგრეთ წოდებულ ძვირადღირებულ და პოპულარულ „სუპერფუდს“.

„ძალიან ბევრს ჰგონია, რომ ჯანსაღი კვება არის საკმაოდ ძვირი, თუმცა სინამდვილეში სწორი დაგეგმვის შემთხვევაში, სავსებით შესაძლებელია ჩვენს ორგანიზმს მივაწოდოთ საკვები ნივთიერებები, როგორიც არის ცილები, ცხიმები, ნახშირწყლები, ვიტამინები და მინერალები შედარებით ბიუჯეტური პროდუქტებით. მთავარია ცოდნა და არჩევანი. ჩემს პაციენტებს ჰგონიათ რომ ჯანსაღი კვება ძალიან ძვირი ჯდება, ყოველთვის ვამბობ, რომ ჯანსაღი კვება არ არის ძვირადღირებული პროდუქტები, ეს არის ცოდნა და სწორი არჩევანი. თუ ჩვენ ვსაუბრობთ ჯანმრთელობაზე, ცოტა დროსაც გამონახავს ადამიანი იმისთვის, რომ ასეთი სიკეთე მისცეს საკუთარ თავს.

როცა არის სეზონური ბოსტნეული, კვერცხი, მარცვლეული პროდუქტი, შესაძლებელია საკმაოდ დაბალანსებული კვების შედგენა, ჯანმრთელიც და ბიუჯეტურიც.“ – ამბობს ნატალია გოგავა.