👉 მასკის ჩიპებს ქრისტესავით სასწაულების მოხდენა შეუძლია?
რატომ შეადარა ილონ მასკმა მისი კომპანიის შესაძლებლობები ქრისტეს სასწაულებს.
მულტიმილიარდელმა, ბიზნესმენმა ილონ მასკმა შექმნა ნეირონული ჩიპები, რომლებიც მართლაც დაუჯერებელ საშუალებებს სთავაზობენ ადამიანებს: მეტყველების აღდგენა, თვალის ჩინის დაბრუნება, თუნდაც იმ შემთხვევაში, თუ ეს არის ბავშვობის ან შეძენილი ტრავმა.
აღნიშნული ტექნოლოგია დაინვალიდებულ ან დაბადებიდან სხვადასხვა ფიზიკური შეზღუდვის მქონე ადამიანებს შესაძლებლობებს აძლევს ისე მართონ ხელი თუ ფეხი, ისე დაინახონ, ისე ამოითქვან ენა, რომ სულ არ დაჭირდეთ წარმოუდგენლად ძვირადღირებული ოპერაციები, რომლებიც ხშირად შედეგსაც ვერ იძლევა.
Neuralink -ის ერთი იმპლანტი თავსდება ტვინის ქერქის იმ ნაწილში, საიდანაც მთელ სხეულს მოტორული სიგნალები მიეწოდება, მეორე იმპლანტი კი სწორედ დაბადებიდან დაზიანებულ თუ ტრავმირებულ სხეულის იმ ნაწილში, რომელსაც ადამიანები ვერ იყენებენ. ამ გზით სისტემა გვერდს უვლის დაზიანებულ თუ გათიშულ ზონებს და სიგნალს პირდაპირ გადასცემს ერთი იმპლანტიდან მეორეს. შესაბამისად, უმოძრაო კიდურები თუ სხეულის დაზიანებული სხვა ნაწილები, რომლებიც ბუნებრივად ტვინისგან სიგნალებს ვერ იღებენ, ახერხებენ ჩვეულებრივ ამოქმედებას.
როგორც მასკი აცხადებს, კომპანია აქ შეჩერებას არ აპირებს და მალე დაიწყებს ადამიანებზე კლინიკურ გამოცდებს იმ ფუნქციის აღდგენისთვის, რასაც მხედველობა ჰქვია.
„ჩვენ გვჯერა, რომ ჩვენი ტექნოლოგია ადამიანებს სიარულის საშუალებას კვლავ მისცემს. თუ ვინმეს აქვს, ვთქვათ ხერხემლის მძიმე ტრავმა, ერთი იმპლანტი აიღებს სიგნალს ტვინიდან მოტორული ქერქიდან და გადასცემს მეორე ნეიროიმპლანტს და შედეგად ამოძრავებს სხეულს. ადამიანები შეძლებენ თავიანთი კიდურების გამოყენებას და ვფიქრობ, რაღაც მომენტში იცხოვრებენ კიდეც ნორმალური ცხოვრებით…“ – ამბობს ილონ მასკი
