ლონდონის საუნივერსიტეტო კოლეჯის მეცნიერებმა გამოავლინეს, რომ ალცჰაიმერის დაავადების რისკის მქონე ადამიანებს სივრცითი ნავიგაცია დარღვეული აქვთ სიმპტომების გამოვლენამდე დიდი ხნით ადრე.კვლევის შედეგები გამოქვეყნდა ჟურნალში Alzheimer’s & Dementia.
ექსპერიმენტში მონაწილეობდა 43-დან 66 წლამდე ასაკის 100 ადამიანი, რომლებსაც არ ჰქონდათ დემენციის სიმპტომები. მოხალისეებს ჰქონდათ ალცჰაიმერის დაავადების გაზრდილი რისკი APOE-ε4 გენის ვარიანტის არსებობის, ალცჰაიმერის დაავადების ოჯახური ისტორიის ან ცხოვრების სტილის რისკ-ფაქტორების გამო, როგორიცაა ფიზიკური აქტივობის დაბალი დონე. საშუალოდ, მონაწილეები დემენციის დაწყების სავარაუდო ასაკზე დაახლოებით 25 წლით ახალგაზრდები იყვნენ.
მკლევარებმა აღმოაჩინეს, რომ ალცჰაიმერის დაავადების განვითარების გაზრდილი რისკის მქონე ადამიანები, განურჩევლად რისკ-ფაქტორისა, ვირტუალურ რეალობაში სივრცითი ნავიგაციის ამოცანას შერჩევითად ვერ უმკლავდებოდნენ სხვა კოგნიტურ ტესტებში შესაბამისი გაუარესების გარეშე. შედეგები ვარაუდობს, რომ კოგნიტური დაქვეითება შეიძლება იყოს დაავადების ადრეული ნიშანი, სხვა სიმპტომების გამოვლენამდე წლების ან თუნდაც ათწლეულების განმავლობაში.
ვარაუდობენ, რომ დღეს დაბადებული ყოველი სამიდან ერთ ადამიანს განუვითარდება დემენცია, ამიტომ მდგომარეობის ადრეული და ზუსტი დიაგნოზი მნიშვნელოვანია პრევენციული ზომების მისაღებად და შესაბამისი მკურნალობის დასაწყებად.
