რატომ არ უნდა მივაყოლოთ ხორცს რძის ნაწარმი – არასდროს მიირთვათ ყველი და ხორცი ერთად – ექიმის საყურადღებო რეკომენდაცია

ექიმი ნუტრიციოლოგი, კვების ეროვნული ცენტრის დირექტორი მარი მალაზონია გადაცემაში “პირადი ექიმი მარი მალაზონია” საუბრობს რატომ არ უნდა მივაყოლოთ ხორცს რძის ნაწარმი, რატომ არ არის სასურველი, ჩაი ან ყავა ძირითად კვებას მაშინვე დავაყოლოთ და როგორ გავზომოთ კალციუმის რაოდენობა რძით:

– თუ ხორციან კერძს ყველის ნაჭერს მიაყოლებთ, დარწმუნებული ვარ, ბევრ თქვენგანს ეს კომბინაცია ძალიან უყვარს. მაგრამ, ორგანიზმი დილემის წინაშე აღმოჩნდება. მას გაუჭირდება, შეინარჩუნოს რკინა და შეიძლება, ასეთი რთული არჩევანის პირობებში ვერც რკინა შეითვისოს სათანადო რაოდენობით და ვერც კალციუმი. ხორციან პროდუქტებსა და რძის ნაწარმს შორის 2-საათიანი ინტერვალი მაინც უნდა იყოს იმისათვის, რომ ხორციდან რკინა სრულფასოვნად შევითვისოთ, რძის ნაწარმიდან – კალციუმი.