კარლ სეიგანი არ არის ცნობილი პიროვნება ჩვენს ქვეყანაში, მაგრამ საკმაოდ პოპულარულია ასტრონომიის, პლანეტარული მეცნიერების და ასტროფიზიკის მოყვარულთა შორის. ათწლეულების განმავლობაში მარსზე სიცოცხლის არსებობის დამტკიცებას ცდილობდა.
„კოსმოსიდან დედამიწა საოცრად გამოიყურება. არანაირი სახელმწიფო საზღვრები. პლანეტაზე ცხოვრება რეალურია და პოლიტიკური დაყოფა, რომელმაც პლანეტა საფრთხის ქვეშ დააყენა, უკვე ადამიანის ხელის საქმეა“, – წერს ასტრონომი.
კარლი 1996 წელს გარდაიცვალა, მისი პოპულარობა კი მას შემდეგ გაიზარდა, რაც მისმა წინასწარმეტყველებამ თანდათან ახდენა დაიწყო:
„მე მაქვს განცდა, რომ ჩემი შვილები და შვილიშვილები უკვე იცხოვრებენ სამყაროში, სადაც ეკონომიკის უმეტესი ნაწილი მომსახურების მიწოდებაზეა. ყველა რთულ პრობლემას გადაჭრიან არა ადამიანები, არამედ რობოტები და ხელოვნური ინტელექტი. ამერიკისა და მსოფლიოს დიდი ნაწილის დამუნჯება აშკარა გახდება“ – წერს მეცნიერი თავის წიგნში „დემონებით დასახლებული სამყარო: მეცნიერება, როგორც სანთელი სიბნელეში“.
კარლის თქმით, როდესაც ეს პერიოდი დადგება, ადამიანებს დახმარებისთვის ჰოროსკოპი, ნუმეროლოგია, ტარო და მრავალი სხვა ეზოთერული სფერო დასჭირდებათ.
„კაცობრიობა დაიწყებს ჰოროსკოპების ნერვიულ კონსულტაციას და ამ სფეროს მიმართ კრიტიკული აზროვნება შემცირდება. წარმოსახვითი ჭეშმარიტისაგან ვეღარ გავარჩევთ. შეუმჩნევლად დავიწყებთ ცრურწმენასა და სიბნელეში სრიალს”, – წერდა ის.
