გუშინ, სოციალურ ქსელში ტელეწამყვანმა ნანიკო ხაზარაძემ ვიდეო მიმართვა გაავრცელა, სადაც ამბობს, რომ სამსახური დატოვა.
ტელეკომპანია “იმედის“ გადაცემაში სტუმრად ორნელა მუტი ჰყავთ. ტელეწამყვანი გია ჯაჯანიძემ მსახიობისთვის კითხვის დასმის დროს, მისი სახელი არასწორად თქვა, რა დროსაც ნანიკო ხაზარაძემ ტელეწამყვანს, თავში ხელი მსუბუქად დაარტყა და სახელი შეუსწორა. სოციალურ ქსელში წერდნენ, რომ სწორედ ეს ფაქტი გახდა მისი არხიდან გაშვების მიზეზი.
გია ჯაჯანიძე „ამბებთან“ ინტერვიუში მომხდარ ინციდენტს ეხმაურება:
“წუხელ ჩამოვფრინდი საქართველოში, არცერთი კომენტარი არ მინახავს. მე და ნანიკო ვმეგობრობთ, ახლაც კარგი ურთიერთობა გვაქვს. ნანიკო არ გაუშვიათ, ის ვიდეოშიც ამბობს, რომ თავად წავიდა. რაც თქვენ ნახეთ, ის ვნახე მეც, ნანიკოს კომენტარი.
„საერთოდ, ადვილად ვპატიობ ყველას ყველაფერს. ხომ გითხარით, ძალიან გვიან ჩამოვფრინდი და არც მინახავს კომენტარები. ადამიანი როდესაც ამბობს, რომ სამსახური დავტოვე, რაც არ უნდა იყოს, ხომ არ შეიძლება იმ ადამიანის ასეთი ლანძღვა და შეურაცხყოფა. მოხდა და გაიარა, იმ წამს, უნებლიედ მოხდა…”
QR კოდი
სტატიის ციტირება
შენი ამბები. (2026). რას ამბობს გია ჯაჯანიძე ნანიკო ხაზარაძის “იმედიდან” წასვლაზე? – „საერთოდ, ადვილად ვპატიობ ყველას ყველაფერს“. 25 მაისი, 2026. https://sheniekimi.ge/ambebi/რას-ამბობს-გია-ჯაჯანიძე-ნ/
