გიყვარს პასკა, მაგრამ ფიგურას უფრთხილდები? ეს სტატია შენთვისაა

რომელი პასკა მივირთვათ სააღდგომოდ, თუ კალორიებს ითვლით⁉️

პასკა სააღდგომო სუფრის მთავარი ატრიბუტია,  ტკბილი, არომატული და ფერად-ფერადი – ის ტრადიციის განუყოფელი ნაწილია. თუმცა, მათთვის, ვინც ჯანმრთელობასა და წონას ყურადღებას აქცევს, ხშირად ჩნდება კითხვა: რომელი პასკა სჯობს, თუ კალორიების კონტროლი გვინდა?

კლასიკური პასკა – გემრიელი, მაგრამ კალორიული

ტრადიციული პასკა, რომელიც ცხიმიანი რძით, კარაქით, კვერცხითა და შაქრით მზადდება, საშუალოდ 100 გრამში 300-450 კალორიას შეიცავს. თუ მასზე ზემოდან მოყრილ შოკოლადსა და მურაბასაც გავითვალისწინებთ, ეს რიცხვი უფრო იზრდება.

თხილეული და ჩირი – დამატებითი ენერგია

ბევრ პასკაში ვხვდებით ნუში, ქიშმიში, კაკალი და სხვა ჩირი – რაც უგემრიელესს ხდის მას, მაგრამ თან მიაქვს დამატებითი კალორიები. მაგალითად, ქიშმიშიანი პასკა დაახლოებით 400-500 კალორიას შეიცავს 100 გრამში.

“დიეტური” ვერსიები

ბოლო წლებში ბევრმა წამოიწყო “დიეტური” პასკების მომზადება – ნაკლები შაქრით, მცენარეული რძით, კარაქის გარეშე ან სულაც ქოქოსის ზეთით. ასეთ ვერსიებში კალორიების რაოდენობა შესაძლოა 250-300 კკალ-მდე შემცირდეს.

- Advertisement -

როგორ ავირჩიოთ?

თუ კალორიების თვლით იკვებებით, გირჩევთ:

📌მცირე პორციით მიირთვათ – ნახევარი ან ერთი ნაჭერი სრულად საკმარისია ტრადიციის შესანარჩუნებლად;

📌აირჩიოთ დაბალკალორიული ვერსია, რომელშიც ნაკლები შაქარი და ცხიმია;

📌დააზუსტოთ ინგრედიენტები და უპირატესობა მიანიჭოთ ჩირის გარეშე პასკას;

- Advertisement -

📌შეგიძლიათ თავადაც მოამზადოთ “ლაითი” პასკა – ბანანის ან ვაშლის პიურეთი შაქრის ნაცვლად და უცხიმო იოგურტით რძის ნაცვლად.

📌ხაჭოს პასკა შესაძლებელია ნაკლებკალორილი იყოს, კლასიკურ პასკასთან შედარებით.

სააღდგომო სუფრა სიხარულისა და თანაგრძნობის სიმბოლოა. ტკბილი პასკაც ამ სიხარულის ნაწილია. თუმცა, ზომიერება ყველაფერში საჭიროა – მათ შორის ტკბილეულშიც. კალორიების დათვლა არ ნიშნავს დღესასწაულზე უარის თქმას – უბრალოდ შეგნებულ არჩევანს.

გემრიელ დღესასწაულს გისურვებთ!