კანადაში აცხადებენ, რომ აშშ-თან „ოქროს გუმბათის“ თავდაცვით სისტემაზე შესაერთებლად მოლაპარაკებებს აწარმოებენ

კანადის პრემიერ-მინისტრის, მარკ კარნის ოფისში განაცხადეს, რომ კანადასა და აშშ-ს შორის მიმდინარეობს „აქტიური დისკუსიები“ უსაფრთხოების საკითხებზე, მათ შორის არსებულ და ახალ პროგრამებზე, როგორიცაა „ოქროს გუმბათი“.

მარკ კარნის პრესსპიკერის თქმით, ჯერ ძალიან ადრეა იმის თქმა, თუ რა თანხას გადაიხდის კანადა ამ პროგრამაში ან როგორ იმუშავებს ის ქვეყნისთვის.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ დაამტკიცა 175 მილიარდი დოლარის ღირებულების პროექტი, რომლის სახელწოდებაა „ოქროს გუმბათი“.