„მიყვარხართ? – ამას ნუ მეკითხებით, თუ გინდა გეტყვით, გეტყვით ძალიან…“ – მამა პეტრე მორიგ ლექსს კითხულობს

მამა პეტრე კოლხი სოციალურ ქსელში საკმაოდ აქტიურია და მის მიმდევრებს ხშირად უზიარებს ხოლმე საკუთარ ლექსებს.

ამჯერად, მან „ტვ პირველის“ გადაცემაში „შუადღე“ წაიკითხა მისი ერთ-ერთი ლექსი სახელწოდებით „აპრილი“.

„შენ თვალებიდან აპრილი გცვივა,

იღვიძებს დილა რძისფერი კაბით, წელმოწყვეტილი იები მტკივა,

- Advertisement -

შენ მაპატიე, თუ შემიყვარდი.

წუხელის წვიმამ დატბორა გზები,

და აჩრდილივით გეძებდი ქარში,

შენ თვალებიდან გცვივა იები

და გაზაფხული გითრთოლავს ტანში.

- Advertisement -

იასამნებად გეტყობა წლები,

დამაქვს ზღვისფერი შენი სურვილი,

მინდა გიყურო შორიდან გზნებით,

მინდა მოვიკლა ასე წყურვილი.

მინდა გაფრენა ოცნების ფრთებით,

მარტმა ფიქრები ისევ არია,

მიყვარხართ? – ამას ნუ მეკითხებით,

თუ გინდა გეტყვით, გეტყვით ძალიან…“