ლეგენდარული იტალიელი მსახიობის, სოფი ლორენის შვილი, მაესტრო კარლო პონტი ქართველ შეყვარებულთან მარიამ შარმანაშვილთან ერთად გადაცემას „ღამის შოუ“ სტუმრობდა. კარლო პონტიმ მარიამისა და საქართველოს შესახებ ისაუბრა.
„მარიამი მერლინ მონროზე უკეთესია. მერლინ მონრო მარიამთან შედარებით არაფერია…“, – ამბობს კარლო პონტი.
ის საქართველოსა და იტალიის მსგავსებაზე საუბრობს.
„საქართველოში ძალიან რთულია იყო გამხდარი, რადგან სულ გეუბნებიან – ჭამე, ჭამე. აუცილებლად უნდა ჭამო, თორემ შემდეგ ძალიან სწყინთ, ამით იტალიელებს გავხართ. როცა საქართველოში ვარ, თავს სახლში ვგრძნობ, კულტურული ჭრილით ძალიან ჰყავს ეს ქვეყანა იტალიას, ურთიერთობებს, სტუმართმასპინძლობას ძალიან დიდ ყურადღებას აქცევენ… ქართული ენა ძალიან მომწონს, თქვენი კალიგრაფია არაჩვეულებრივია..“, – ამბობს კარლო პონტი.
