ამერიკული გამოცემის, „აქსიოსის“ ინფორმაციით, ამერიკელი და რუსი მაღალჩინოსნები უკრაინაში ომის საკითხზე ერთმანეთს 18 თებერვალს შეხვდებიან.
გამოცემის ცნობით, აშშ-ის დელეგაციაში შევლენ სახელმწიფო მდივანი მარკო რუბიო, ეროვნული უსაფრთხოების საკითხებში თეთრი სახლის მრჩეველი მაიკ უოლცი და ახლო აღმოსავლეთში აშშ-ის სპეციალური წარმომადგენელი სტივ უიტკოფი. დელეგაცია, რომელსაც მარკო რუბიო უხელმძღვანელებს, გეგმავს მოლაპარაკებების დაწყებას უკრაინაში ომის დასასრულებლად.
ამასთან, ჯერ უცნობია, ვინ იქნება რუსული დელეგაციის შემადგენლობაში, თუმცა ერთ-ერთი წყაროს ცნობით, შეხვედრას სავარაუდოდ დაესწრება რუსეთის საგარეო საქმეთა მინისტრი სერგეი ლავროვი.
შეგახსენებთ, რუბიო 17 თებერვალს საუდის არაბეთში ჩავა და არაბთა გაერთიანებულ საამიროებს ესტუმრება.
მასალის გამოყენების პირობები
