“ჯუგაანი”, “ხირსა”, “გამარჯვება”, “ქისტაური” და “ქედი” – კახეთში მზის 5 ახალი ელექტროსადგური აშენდა. მათი სიმძლავრე ჯამში 10 მეგავატს მოიცავს და გადამცემი სისტემის ქსელში ინტეგრირდება.
მწვანე ენერგიების ქსელთან მიერთება “საქართველოს სახელმწიფო ელექტროსისტემის” მთავარ პრიორიტეტს წარმოადგენს. განმარტავენ, რომ სიახლე გაზრდის ენერგოსისტემის უსაფრთხოებას და შეამცირებს გარემოზე მავნე ზემოქმედებას.
როგორც ეკონომიკის სამინისტროში ამბობენ, რესურსების გაზრდა ქვეყნის ენერგოდამოუკიდებლობასაც გაზრდის. უწყებაში განმარტავენ, რომ სახელმწიფოს მიზანია ქვეყანა სუფთა ენერგიის ექსპორტიორი გახდეს.
