შიდა ქართლის სახელმწიფო რწმუნებული სიმონ გულედანი, კასპის მუნიციპალტეტის მერთან, ვახტანგ მაისურაძესთან და ადგილობრივი თვითმმართველობის წარმომადგენლებთან ერთად, კასპში, ახალი საცურაო კომპლექსის მშენებლობის მიმდინარეობას გაეცნო.
პროექტის ფარგლებში გათვალისწინებულია მრავალფუნქციური სპორტული სივრცის მოწყობა, რომელიც მოიცავს როგორც დიდ, ისე მცირე საცურაო აუზებს, სატრენაჟორო დარბაზს, 100 მაყურებელზე გათვლილ ტრიბუნას. საცურაო აუზი სრულად იქნება ადაპტირებული სპეციალური საჭიროებების მქონე პირებისთვის, რაც უზრუნველყოფს ინფრასტრუქტურის ხელმისაწვდომობას ადგილობრივებისთვის.
პროექტი ადგილობრივი ბიუჯეტიდან ფინანსდება და მისი ღირებულება 7 მილიონ ლარზე მეტია. სამშენებლო სამუშაოები წლის ბოლომდე დასრულდება.
QR კოდი
სტატიის ციტირება
შენი ამბები. (2025). კასპში საცურაო კომპლექსის მშენებლობა მიმდინარეობს. 28 ნოემბერი, 2025. https://sheniekimi.ge/ambebi/კასპში/
