იცოდით თუ არა რომ ახალი კვლევის მიხედვით დაგრძელებულ ფრჩხილებში დაბანით სრულყოფილად ვერ ხერხდება განავლის ბაქტერიების მოშორება?
ექიმი ეკა კვირკველია ამბობს, რომ ახალი კვლევის მიხედვით დაგრძელებული ფრჩხილების ქვეშ განავალთან ასოცირებული ბაქტერიები ძალიან კარგად რჩება:
„ახლად ჩატარებული კვლევები მიუთითებს, რომ გრძელი – განსაკუთრებით გელით ან აკრილით გაკეთებული – ფრჩხილების ქვეშ ხშირად გროვდება მავნე მიკროორგანიზმები, მათ შორის ის ბაქტერიებიც, რომლებიც ადამიანის განავალში გვხვდება. ასეთი ფრჩხილები ხშირად ოდნავ ნაწილდება ან ტყდება, რის შედეგადაც იქმნება პატარა სივრცეები, სადაც ტენიანობა ჩერდება და ბაქტერიებისთვის გამრავლების იდეალური გარემო იქმნება.
მეცნიერული მონაცემებით, ფრჩხილების დაბანისასაც კი რთულია იმ მიკრობების სრულად მოცილება, რომლებიც ასეთ „ჯიბეებში“ რჩება.
თუ ადამიანს ჩვევა აქვს ფრჩხილების კვნეტის, ამ ბაქტერიების ნაწილი შეიძლება პირის ღრუში და შემდეგ საჭმლის მომნელებელ სისტემაში მოხვდეს, რაც ჯანმრთელობაზე უარყოფით გავლენას ახდენს. ასევე, პირადი ჰიგიენის დროს, მაგალითად ვულვას დაბანისას, არსებობს რისკი, რომ ეს მიკროორგანიზმები სასქესო გზებშიც გადავიდეს, რამაც შესაძლოა გაღიზიანება ან სხვა ტიპის დისკომფორტი გამოიწვიოს.
ჯანდაცვის მუშაკებს ხელის დაბანის დროს, ფრჩხილის დამუშავების წესები გვაქვს. ასევე, ლაქის ან გელ-ლაქის ფრჩხილზე დატოვების კონკრეტული ხანგრძლივობა გვაქვს მითითებული, რათა მასზე მიკრონახეთქები არ გაჩნდეს და ბაქტერიები არ ჩარჩეს და გამრავლდეს.“
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
QR კოდი
სტატიის ციტირება
შენი ამბები. (2025). იცოდით თუ არა რომ, დაგრძელებულ ფრჩხილებში დაბანით სრულყოფილად ვერ ხერხდება განავლის ბაქტერიების მოშორება?. 5 დეკემბერი, 2025. https://sheniekimi.ge/ambebi/იცოდით-თუ-არა-რომ-დაგრძელ/
