დავით აღმაშენებლის სახელობის საქართველოს ეროვნული თავდაცვის აკადემიის იუნკერთა ბატალიონის იუნკერებმა ხუთკვირიანი საწყისი საბრძოლო მომზადების კურსის წარმატებით გავლის შემდეგ, დიდგორის მემორიალთან სამხედრო ფიცი დადეს. ისინი სწავლას საქართველოს დავით აღამშენებლის სახელობის ეროვნული თავდაცვის აკადემიაში გააგრძელებენ.
საზეიმო ღონისძიებას აკადემიის ხელმძღვანელები, იუნკერების ოჯახის წევრები და ახლობლები დაესწრნენ. ეროვნული თავდაცვის აკადემიის რექტორის პირველმა მოადგილემ და იუნკერთა სასწავლო ბატალიონის მეთაურმა საგანმანათლებლო სისტემაში აკადემიის უმნიშვნელოვანეს როლზე ისაუბრეს და აღნიშნეს, რომ აკადემიის სტუდენტები სამხედრო საქმის გარდა, სახელმწიფოებრივ აზროვნებასა და ლიდერობას შეისწავლიან. დასასრულს, მათ იუნკერებს კურსის დასრულება მიულოცეს და წარმატებები უსურვეს.
QR კოდი
სტატიის ციტირება
შენი ამბები. (2025). იუნკერებმა დიდგორის მემორიალთან სამხედრო ფიცი დადეს. 28 ოქტომბერი, 2025. https://sheniekimi.ge/ambebi/იუნკერებმა-დიდგორის-მემო/
