ჩეხეთის დედაქალაქ პრაღაში ფიგურულ ციგურაობაში 2026 წლის მსოფლიოს ჩემპიონატი მიმდინარეობს. ლუკა ბერულავასა და ანასტასია მეტელკინას სპორტულმა წყვილმა თავისუფალ პროგრამაში იასპარეზა. მათ მსაჯებისგან 138,96 ქულა დაიმსახურეს, ორი პროგრამის ჯამში კი 218,41 ქულით მსოფლიოს ვიცე-ჩემპიონები გახდნენ, რაც ისტორიული შედეგია. საქართველოს აქამდე უფროსებს შორის მსოფლიოს ჩემპიონატზე მედალი არ ჰქონია.
მოკლე პროგრამაში სპორტსმენებმა მსაჯებისგან 79,45 ქულა დაიმსახურეს და მცირე ვერცხლის მედალი მოიპოვეს, თავისუფალ პროგრამაში კი 138,96 ქულა მიიღეს და მცირე ბრინჯაოს მედალს დასჯერდნენ.
ასევე მაყურებლის წინაშე წარდგნენ ფიგურული მოციგურავე ანასტასია გუბანოვა, რომელმაც მოკლე პროგრამა მეექვსე ადგილზე დაასრულა და ნიკა ეგაძე, რომელმაც მოკლე პროგრამაში მე-15 ადგილი დაიკავა.
ამჯერადაც წარმატებით იასპარეზა საქართველოს წარმომადგენელმა სპორტულმა წყვილმა – ბერულავა-მეტელკინა ულამაზესი თავისუფალი პროგრამით წარდგნენ მაყურებლის წინაშე და მიუხედავად ერთი შეცდომისა, 138, 86 ქულა დაიმსახურეს, ორი პროგრამის ჯამში კი 218, 41 ქულა მოაგროვეს და მეორე ადგილი დაიკავეს.
შეგახსენებთ, ლუკა ბერულავასა და ანასტასია მეტელკინას წყვილი მოკლე პროგრამის შემდეგაც 79.45 ქულით მე-2 ადგილზე იყო.
პირველი ადგილი დაიკავეს გერმანელებმა მინერვა ფაბიან ჰასემ და ნიკიტა ვოლოდინმა (228,33), მესამეზე კი გავიდნენ კანადელები ლია ფერეირა და ტრენეტ მიჰაუდი (216,09).
შეგახსენებთ, ბერულავა-მეტელკინა ევროპის მოქმედი ჩემპიონები და ოლიმპიური ვერცხლის მფლობელები არიან.
