ისრაელში აცხადებენ, რომ ღაზაში, საავადმყოფოზე იერიშის შედეგად „ჰამასის“ მაღალჩინოსანი და მისი თანაშემწეა მოკლული

ისრაელმა ღაზაში, ხან იუნისში მდებარე საავადმყოფოზე იერიში მიიტანა. როგორც ისრაელში აცხადებენ, ნასერის საავადმყოფოზე მიტანილი იერიშის შედეგად „ჰამასის“ მაღალჩინოსანი და მისი თანაშემწეა მოკლული.

ისმაილ ბარჰუმი, რომელიც „ჰამასის“ ფინანსური საქმეების ხელმძღვანელია, საავადმყოფოში მკურნალობადა მას შემდეგ, რაც 20 მარტს ისრაელმა ღაზაზე მასიური საჰაერო იერიში მიიტანა.

მედია იუწყება, რომ თავდასხმის შედეგად ასევე, სულ მცირე, ხუთი ადამიანია დაღუპული, ხოლო რამდენიმე დაშავებული.