ცოფის ახალი შემთხვევა დედოფლისწყაროში – სავალდებულო ვაქცინაცია სერიოზული საფრთხის თავიდან ასარიდებლად
პროფესორი გიორგი ფხაკაძე სპეციალურად www.sheniekimi.ge-სთვის
დედოფლისწყაროს მუნიციპალიტეტში 2025 წლის 20 მაისს ცოფით დაავადებული ძაღლის შემთხვევა ლაბორატორიულად დადასტურდა. შემთხვევა ზამთრის საძოვარზე არსებულ ფერმაში მოხდა და როგორც გაირკვა, ინფიცირების წყარო გარეული მგელი იყო.
შემთხვევის დაფიქსირებისთანავე, სურსათის ეროვნული სააგენტო გადავიდა ცოფის კერაში სწრაფი რეაგირების რეჟიმზე და დაიწყო საკარანტინო ღონისძიებები, რაც მოიცავს:
• ცხოველების სავალდებულო ვაქცინაციას
• გადაადგილების მკაცრ კონტროლს
• ტერიტორიის დეზინფექციას
• ვეტერინარულ ზედამხედველობას
• ინფორმაციის მიწოდებას ჯანდაცვის სექტორისთვის
