ტრაგედია რელიგიურ დღესასწაულზე, ინდოეთში – ქვეყნის ჩრდილოეთით მდებარე ქალაქ პრაიაგრაჯში, ჭყლეტის შედეგად, სულ მცირე, 12 ადამიანია დაღუპული.
არ გამოირიცხება, რომ მსხვერპლის რაოდენობა გაიზარდოს, რადგან საავადმყოფოში ათობით დაშავებულია მოთავსებული. მათი ნაწილის მდგომარეობა კრიტიკულია.
კუმბა მელა – 45-დღიანი დღესასწაული – ინდოეთში ერთ-ერთ ყველაზე მნიშვნელოვან დღესასწაულად მიიჩნევა. ამ დროს, განსაბანად, რეკორდული რაოდენობის, ასობით მილიონი მომლოცველი იკრიბება.
