მუსიკალურ სატელევიზიო გადაცემაში „ჩვენი შოუ“ მსმენელი ხშირად ისმენს მისთვის საყვარელ, კარგად ნაცნობ ქართულ სიმღერებსა და ასევე მივიწყებულ, ძველ ჰანგებს.
გადაცემის გასულ ეპიზოდშიც, უამრავი ქართული სიმღერა შესრულდა. ერთ-ერთი იყო „იმერული ღიღინი“, რომელიც მურმან შათირიშვილმა, ხვიჩა მაღლაკელიძემ, გიორგი გაბუნიამ, ჯიმი აბესაძემ და გია ბაღაშვილმა ხმებში, გიტარაზე ხვიჩა მაღლაკელიძის აკომპანემენტის თანხლებით შეასრულეს.
„გულს უხარია თქვენი ღიღინი! შესანიშნავი სიმღერაა და საუკეთესო შესრულება!“, „იმერული სიმღერები გულს ათბობს“, „ამაზე კარგს რას უნდა მოუსმინო“ – წერენ ვიდეოს კომენტარების ველში სოციალური ქსელის მომხმარებლები.
მასალის გამოყენების პირობები
