ნაწლავური ჩხირები, სხვადასხვა ბაქტერიები, ტრანსცხიმენი და ანტიბიოტიკები იმერული ყველის შემცველობაში.
იმერული ყველი, ქართველებისათვის ასე საყვარელი, ადამიანის ჯანმრთელობის კრიტიკული პრობლემების მიზეზი შეიძლება გახდეს.
ყველის ყიდვა შეიძლება ყველგან. აგრალურ ბაზრებში, სუპერმარკეტებში თუ ქსელურ მაღაზიებში. ზოგი დაბრენდილ შეფუთული, ზოგიც შეუფუთავი.
იტყუებიან თუ არა გამყიდველები, არის თუ არა ყველი ნატურალური რძისგან დამზადებული და ზოგადად რამდენად სუფთა პირობებშია ამოყვანილი ამის დასადგენად რამდენიმე ლოკაციაზე ნაყიდი ყველი ლაბორატორიაში შესამოწმებლად წავიღეთ. ვიკვლევდით რძის ცხიმის სისუფთავეს და მიკრობიოლოგიას. კვლევა რძის პროდუქტში სხვადასხვა ბაქტერიებისა და მცენარეული ცხიმის დასადგენად რამდენიმე დღე ᲒᲐᲒᲠᲫᲔᲚᲓᲐ, კვლევის პასუხი კი საგანგაშო იყო.
სისუფთავესთან და უვნებლობასთან შეუსაბამობაა ყველა ჩაბარებულ ნიმუშში, ზოგ შემთხვევაში დამტკიცდა ნაწლავური ჩხირები, ზოგ შემთხვევაში კი ტრანსცხიმების არსებობა.
ყველის დაბინძურების სავარაუდო მიზეზები შემზარავია.
ყველის ასოციაციის თავმჯდომარე ანა მიქაძემ განმარტავს არაკეთილსინდისიერი მწარმოებლების მხრიდან ყველის მომზადების სპეციფიკას და გამოყენებული ინგრედიენტების მავნებლობას.
როგორც ირკვევა მცენარეული რძით მომზადებულ პროდუქტში ყველაზე ხშირად გამოიყენება პალმის ცხიმი, რომელის მავნებლობა საყოველთაოდ ცნობილია.
დაწყებული ჩვილის ასაკიდან ღრმა მოხუცებულობმდე ადამიანი რძის პროდუქტს მოიხმარს, ანუ რძის პროდუქტი არის სასიცოცხლოდ აუცილებელი პროდუქტი.
რძის პროდუქტი უკვე შემოდის უცხოეთიდან ფხვნილის სახით, ირანული პასტა-რძის სახით რომელსაც პირდაპირ აწერია რომ იწვევს სიმსივნეს.
არის ასეთი მიდგომაც იმერული შეიძლება მავნე იყოს. მაგრამ სულგუნი არა, თუმცა სულგუნშიც არის გარკვეული პრობლემები, თუ ნაწლავური ჩხირები ხვდება პროდუქტში ის აუცილებლად თავს იჩენს ყველა ტექნოლოგიით დამზადებულ პროდუქტში. თუ პასტერიზაციას არ უკეთებ შესაძლებელია გამოიწვიოს: ფლორის მთლიანად მოშლა, ყაბზობა, დიაბეტი, სისხლძარღვთა სისტემის მოშლა. საკმაოდ რთული საკითხია.
ტრანსცხიმების გამოყენების და ანტისანიტარიაში მომზადების გარდა ირკვევა რომ ყველის სასურველი კონსისტენციის მისაღებად სხვადასხვა მედიკამენტოზურ დანამატსაც იყენებენ. პროდუქტში მავნე ბაქტერიების თავიდან ასარიდებლად არაკეთილსინდისიერი მეწარმეები ანტიბიოტიკებსაც კი ურევენ.
კვლევის შედეგები საგანგაშო ეჩვენებათ ექიმებსაც. ნუტრიციოლოგები გვირჩევენ საეჭვო ყველი საერთოდ ამოვიღოთ ბავშვის რაციონიდან. ტრანსცხიმების მიღება ბავშვებში დაუშვებელია ასევე ნებისმიერი ნაწლავური ჩხირმა შეიძლება გამოიწვიოს დიდი პრობლემები. შესაბამისად ეს ის პროდუქტია რომელიც სასურველია საერთოდ არ მიიღოს ბავშვმა.
საქართველოში რძის პროდუქტების, მათ შორის ყველის ხარისხის კვლევის პრეროგატივა სურსათის ეროვნულ სააგენტოს აქვს. როგორი უნდა იყოს ნატურალური რძის ყველი, ან კიდევ შეფუთვა და წარწერა მასზე ეს 2015 წლიდან კანონმდებლობით არის გაწერილი.
სურსათის ეროვნული სააგენტოს განცხადებით ისინი შესაბამის ღონისიებებს ახორციელებენ, აკეთებენ ადმინისტრირებას, კრიტიკული შეუსაბამობის შემთხვევაში, რომელიც ადამიანის ჯანმრთელობასთან და სიცოცხლესთან შეუთავსებელია ახორციელებენ საწარმოო პროცესის შეჩერებას. ყველი მაღალი რისკის პროდუქტს მიეკუთვნება, თავისი ბუნებიდან გამომდინარე, მალფუჭებადია. შესაბამისად მათ აქვთ სახელმწიფო კონტროლის დროს გაწერილი, რომ მაღალი რისკის საწარმოები შემოწმდეს წელიწადში რამოდენიმეჯერმე. მიზანი არა დასჯა, არამედ შეგნების ამაღლებაა რომ მეწარმემ აწარმოოს უვნებელი პროდუქტი.
ყველი რომ ერთმნიშვნელოვნად უვნებელი პროდუქტი არ არის, ეს კვლევამაც აჩვენა, შედეგები მიეწოდა სურსათის ეროვნულ სააგენტოს. პროტოკოლით უწყება მომდევნო დღეებში არაგეგმიურ შემოწმებას განახორციელებს. რომლის შედეგად ადამიანების ჯანმრთელობისთვის სახიფათო რძის პროდუქტებს ბაზრიდან ამოიღებენ, შეისწავლიან და დარღვევების შემთხვევაში გაანადგურებენ. არაკეთილსინდისიერ მეწარმეებს კი დააჯარიმებენ.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
