„იმდენად ემოციურად საუბრობდნენ ჩემზე, თითქოს ვარსკვლავები ისინი კი არა, მე უფრო ვიყავი“ – ალექსანდრე ზაზარიშვილის ამერიკული თავგადასავალი ვარსკვლავების გარემოცვაში

ქართველი მომღერალი ალექსანდრე ზაზარაშვილი აშშ-დან საქართველოში დაბრუნდა და გადაცემა „დღის პოსტში“ ამერიკულ თავგადასავალზე ისაუბრა.

„როდესაც ამერიკაში ჩავედი შერილ პორტერი იქ იყო. დავუკავშირდი და ვუთხარი, რომ მისი დიდი თაყვანისმცემელი ვიყავი. თვითონ მომწერა, რომ ბევრი ადამიანი უგზავნიდა ჩემს ვიდეოებს და უკვე მიცნობდა. შევხვდით და დავმეგობრდით. ერთ-ერთ დღეს ის დაპატიჟებული იყო „ამერიკის ვარსკვლავის” დახურულ ღონისძიებაზე. ყველას უყვებოდა, რომ მე „ვოისის” გამარჯვებული ვარ, მათ შორის ლაიონელ რიჩს, ქეითი პერის და სხვებს. იმდენად ემოციურად საუბრობდა ჩემზე, თითქოს ვარსკვლავები ისინი კი არა, მე უფრო ვიყავი”, – ამბობს ალექსანდრე.