ილონ მასკის სტარტაპმა xAI ხელოვნურ ინტელექტზე დაფუძნებული ჩათ-ბოტის ბავშვებისთვის
განკუთვნილი ვერსიის შექმნა დაიწყო.
როგორც მასკმა სოციალურ ქსელ X-ში დაწერა, აპლიკაციას Baby Grok ერქმევა. მასკის თქმით, ის ბავშვებზე ორიენტირებულ კონტენტს შემოგვთავაზებს. ამ ეტაპზე სხვა დეტალები ცნობილი არ არის.
xAI-მ ჩათ-ბოტი Grok 2023 წელს შექმნა. ის ტექსტებისა და გამოსახულებების გენერირებას ახერხებს და მომხმარებლებთან კომუნიკაციაც შეუძლია. აპლიკაცია ინფორმაციის რეალურ დროში მიღებასაც ახერხებს ინტერნეტის და სოციალური ქსელ X-ის მეშვეობით.
ივლისის დასაწყისში, მასკმა და xAI-მ ახალი ნეირონული ქსელი Grok 4 წარადგინეს. როგორც დეველოპერები ირწმუნებიან, ის წინა ვერსიაზე 10-ჯერ უფრო ძლიერია. მათი თქმით, ჩათ-ბოტს ახლა უკეთ ესმის რთული თემები და მასკის მტკიცებით, მეცნიერული აღმოჩენების გაკეთებაც შეუძლია.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
