თუ “ჰამასი,” შეთანხმების თანახმად, სამ დღეში მძევლებს არ გაათავისუფლებს, ისრაელი ღაზის სექტორში საომარ მოქმედებებს განაახლებს და ის უფრო ინტენსიური იქნება, – ამბობენ თელ-ავივში და მოვლენათა შესაძლო განვითარებისთვის ემზადებიან. უკვე გამოძახებული არიან რეზერვისტები.
ცეცხლის შეწყვეტის შეთანხმების მიხედვით, რომელიც 19 იანვრიდან მოქმედებს, “ჰამასი” დათანხმდა, რომ შაბათს 3 მძევალს გაათავისუფლებდა, თუმცა დაჯგუფებამ უკვე განაცხადა, რომ აჩერებს მძევლების გადაცემას, რადგან, მათი მტკიცებით, ისრაელმა შეთანხმების პირობები დაარღვია.
პარალელურად, შუამავლები – ეგვიპტე და კატარი ღაზაში ცეცხლის შეწყვეტის შეთანხმების შესანარჩუნებლად დიპლომატიურ ძალისხმევას აძლიერებენ.
მასალის გამოყენების პირობები
