შინაგან საქმეთა სამინისტროს ინფორმაციით, თბილისში პოლიციამ ნარკოდანაშაულის ბრალდებით 7 პირი დააკავა. დაკავებულთა შორის არიან როგორც საქართველოს, ასევე რუსეთის ფედერაციის მოქალაქეები. სამართალდამცველებმა დაკავებები სხვადასხვა დროს ჩატარებული ოპერატიულ-საგამოძიებო მოქმედებების შედეგად განახორციელეს.
დაკავებულ პირებს ბრალად ედებათ განსაკუთრებით დიდი და დიდი ოდენობით ნარკოტიკული საშუალებების — ბუპრენორფინის, ჰეროინის, ალფა-პვპ-ის, გამომშრალი მარიხუანასა და კანაფის უკანონო შენახვა, გასაღება და კულტივირება.
ვინ არიან დაკავებულები:
- ნ.ს. — 1999 წელს დაბადებული
- ო.გ. — 1986 წელს დაბადებული
- ა.ა. — 2005 წელს დაბადებული
- შ.ი. — 1999 წელს დაბადებული
- მ.გ. — 1999 წელს დაბადებული
- დ.ა. — 1996 წელს დაბადებული
- უ.მ. — 1975 წელს დაბადებული, რუსეთის მოქალაქე
სამართალდამცველებმა ჩხრეკისას ამოიღეს ნარკოტიკული ნივთიერებების შემცველი ნივთები, საკონტროლო შესყიდვებისას გამოიყენეს ფარული აუდიო-ვიდეო ჩაწერა, ხოლო საგამოძიებო ექსპერიმენტების შედეგად სხვადასხვა ლოკაციიდან ამოიღეს ნარკოტიკები.
დანაშაული 20 წლამდე თავისუფლების აღკვეთას ითვალისწინებს. გამოძიება მიმდინარეობს საქართველოს სისხლის სამართლის კოდექსის შესაბამისი მუხლებით.
#drpkhakadze #გიორგიფხაკაძე #davidiani #sheniambebi #აქხარისხია
