თბილისის მერიის სტუდენტთა დაფინანსების პროგრამა გრძელდება. სოციალურად დაუცველი, შშმ პირი სტუდენტები და მრავალშვილიანი ოჯახის წევრები 2024-2025 სასწავლო წლის გაზაფხულის სემესტრის სწავლის საფასურის დაფინანსებისთვის თბილისის მერიისგან დახმარებას კვლავ მიიღებენ. პროგრამის ფარგლებში, 5 მარტიდან დღემდე დედაქალაქის მერიაში 1 900-ზე მეტი განცხადება შევიდა, საიდანაც 254 უკვე დაკმაყოფილდა.
დედაქალაქის მერის, კახა კალაძის განცხადებით, ინტერესი პროგრამის მიმართ განსაკუთრებით მაღალია და განაცხადების განხილვა ეტაპობრივად გრძელდება. მერის თქმით, ყველა სტუდენტის განაცხადი დეტალურად განიხილება და შესაბამისი კრიტერიუმების დაკმაყოფილების შემთხვევაში ფინანსური დახმარება მინიჭებული იქნება.
განცხადებების მიღება 31 მაისამდე გაგრძელდება, რაც სტუდენტებს საკმარის დროს აძლევს პროგრამაში მონაწილეობის მისაღებად. თბილისის მერია მოუწოდებს დაინტერესებულ პირებს, არ დააყოვნონ და აქტიურად ჩაერთონ პროგრამაში.
კახა კალაძის თქმით, თბილისის მერია განათლების ხელმისაწვდომობის გაუმჯობესებას მნიშვნელოვან პრიორიტეტად მიიჩნევს. ამასთანავე, უმაღლესი საგანმანათლებლო დაწესებულებების მიერ წარმოდგენილი მონაცემების საფუძველზე, 442 წარმატებული მაგისტრანტი მერიის დაფინანსებით ისარგებლებს, რაც ახალგაზრდების კარიერულ წინსვლას ხელს შეუწყობს.
#drpkhakadze #გიორგიფხაკაძე #davidiani #sheniambebi #აქხარისხია
