ვატიკანი – რომის პაპი თავს დღეს შედარებით კარგად გრძნობს

რომის პაპი ფრანცისკე, რომელიც საავადმყოფოში პნევმონიის დიაგნოზით მკურნალობს, დღეს თავს შედარებით კარგად გრძნობს, – ამის შესახებ ინფორმაციას ვატიკანის პრესსამსახური ავრცელებს.

პაპის ჯანმრთელობის მდგომარეობის შესახებ განახლებული ინფორმაციის თანახმად, პონტიფიკოსს ღამით კარგად ეძინა, დილით კი ისაუზმა.

რომის პაპს სასუნთქი გზების მძიმე ინფექცია აქვს. ვატიკანის განცხადებით, ის საავადმყოფოში დარჩება, ვიდრე ეს საჭირო იქნება.