ამჯერად ტელეგრამის არხი SHOT, მელაძის ავტოპარკით დაინტერესდა, რომლის ღირებულებაც არხის ცნობით, თითქმის მილიონი დოლარია.
“ანგელოზის” სანომრე ნიშნები და 70 მილიონი რუბლის ღირებულების რვა Mercedes – წერს რუსული მედია და მელაძის ავტოპარკის ფოტოებს აქვეყნებს.
მომღერალი, რომელიც ძირითადად ქვეყნის გარეთ ტურნეში იმყოფება ხოლმე, ახლახან მოსკოვში დაბრუნდა, სადაც Mercedes-Benz-ის ძვირადღირებული ავტომანქანებით გადაადგილდებოდა. მელაძეს თან ახლდა დაცვაც. ექვსი მანქანიდან ოთხს ერთი და იგივე ნომერი – 525 აქვს, როგორც ადგილობრივი მედია წერს, ნომრების ღირებულება რამდენიმე მილიონი რუბლია. ხოლო მელაძეზე რეგისტრირებული მანქანების საერთო ფასი 70 მილიონ რუბლს (დაახლოებით 701,800 აშშ დოლარი) აჭარბებს.
ყველაზე ძვირადღირებული მანქანაა Mercedes-Benz Amg G63, რომელიც 210 532 დოლარი ღირს და ყველაზე ხშირად ამით გადაადგილებდა მელაძე, საჭესთან თავად ზის.
ერთ-ერთი მანქანა, Mercedes Gls 400 D 4Matic SUV, ძმას, კონსტანტინე მელაძეს აჩუქა. აღსანიშნავია რომ მელაძის ძმამ ომის დაწყებიდან მალევე, რუსეთში არსებული ქონების გაყიდვა დაიწყო.
