„ეს ნიშნავს იმას, რომ ახალგაზრდებს უნდათ მასწავლებლად მუშაობა და ამ პროფესიაში შემოსვლა“-ნინო წერეთელი

უკვე მრავალი წელია ტარდება მასწავლებლის გამოცდები, პირველ ეტაპზე, ჩვენი საკანონმდებლო საფუძვლიდან გამომდინარე, მოქმედი მასწავლებლები გადიოდნენ გამოცდაზე, ახლა კი უკვე პროცენტულად გადანაწილდა და მასწავლებლობის მსურველები უფრო მეტი შემოდიან, – განაცხადა გადაცემაში „დღის ქრონიკა“ შეფასებისა და გამოცდების ეროვნული ცენტრის დირექტორმა ნინო წერეთელმა მასწავლებლის გამოცდაზე საუბრისას.

„ეს ნიშნავს იმას, რომ ახალგაზრდებს უნდათ მასწავლებლად მუშაობა და ამ პროფესიაში შემოსვლა. ეს არის ერთ-ერთი და ძირითადი მიზეზი მასწავლებლის გამოცდაზე აპლიკანტების რაოდენობის ზრდის. მათთვის საგამოცდო პროცესი დაიწყება 8 ივლისიდან“, – აღნიშნა ნინო წერეთელმა.