დონალდ ტრამპმა, ბოლო ცნობებით, დატოვა საავადმყოფო, სადაც ის თავდასხმის შემდეგ გადაიყვანეს. ამერიკული მედიის ინფორმაციით, აშშ-ის ექსპრეზიდენტი და მოქმედი პრეზიდენტობის კანდიდატი ნიუ-ჯერსიში ჩავიდა, სადაც ის საკუთარ, კერძო გოლფის კლუბში გეგმავს დროის გატარებას. ტრამპი საიდუმლო სამსახურის თანამშრომლებთან ერთად იმყოფება და მის უსაფრთხოებაზე სწორედ ისინი ზრუნავენ.
შეგახსენებთ, რომ პენსილვანიის შტატში მხარდამჭერებთან შეხვედრის დროს, დონალდ ტრამპს ესროლეს. მამაკაცი, რომელიც ექსპრეზიდენტს და რესპუბლიკელების მოქმედ საპრეზიდენტო კანდიდატს თავს დაესხა, სპეცსამსახურის თანამშრომლებმა მოკლეს.
თავდამსხმელმა შეკრებაზე ერთი ადამიანი მოკლა, კიდევ ორი კი მძიმედ არის დაჭრილი. თავად ტრამპს დაზიანება მხოლოდ ყურის არეში აღენიშნება, მის სიცოცხლეს კი საფრთხე არ ემუქრება.
FBI-მ დონალდ ტრამპზე თავდამსხმელის ვინაობა გაასაჯაროვა.
