SheniAmbebi.ge | „დას ჯერ ავტომანქანა შეაჯახა, შემდეგ კი დანით დაჭრა…“ – სააპელაციო სასამართლომ დამნაშავეს უვადო პატიმრობა მიუსაჯა

„დას ჯერ ავტომანქანა შეაჯახა, შემდეგ კი დანით დაჭრა…“ – სააპელაციო სასამართლომ დამნაშავეს უვადო პატიმრობა მიუსაჯა

ბოლო განახლება: 17 ივლისი 2025 2:00 pm

ავტორი

2 წუთიანი წაკითხვა

თბილისის სააპელაციო სასამართლომ სრულად გაიზიარა საქართველოს პროკურატურის სააპელაციო საჩივარი, ცვლილება შეიტანა რუსთავის საქალაქო სასამართლოს განაჩენში და ოჯახის წევრის მიმართ, დამამძიმებელ გარემოებებში, განსაკუთრებული სისასტიკით ჩადენილი განზრახ მკვლელობის ფაქტზე მსჯავრდებულს უვადო თავისუფლების აღკვეთა განუსაზღვრა, – აღნიშნულია პროკურატურის მიერ გავრცელებულ ინფორმაციაში.

ასევე ნახეთ: წამებით გარდაცვლილი 16 წლის მოზარდის საქმე და დამნაშავეებისთვის გამოტანილი 20-წლიანი განაჩენი

მათივე განცხადებით, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებული დას პირად ცხოვრებასთან დაკავშირებულ საკითხებზე დამოუკიდებლად გადაწყვეტილების მიღებას უზღუდავდა, ასევე დის მეუღლესთან დაშორების ფაქტს ოჯახის ღირსების შელახვად მიიჩნევდა. აღნიშნულის გამო 2024 წლის 16 მაისს ბრალდებულმა, გარდაბანში, დას ჯერ ავტომანქანა შეაჯახა, შემდეგ კი დანით სიცოცხლისთვის საშიში, მძიმე ხარისხის დაზიანებები მიაყენა. ბრალდებული შემთხვევის ადგილიდან მიიმალა. მიღებული დაზიანებების შედეგად ქალი ადგილზე გარდაიცვალა.

Sheni Network

„სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა, 109-ე მუხლის ,,ე’’ (დამნაშავისთვის წინასწარი შეცნობით უმწეო მდგომარეობაში მყოფის განზრახ მკვლელობა), „თ“ (განზრახ მკვლელობა გენდერის ნიშნით), „კ“ (განზრახ მკვლელობა ოჯახის წევრის მიმართ) და „მ“ (განზრახ მკვლელობა განსაკუთრებული სისასტიკით) ქვეპუნქტებით წარედგინა.

- Advertisement -

პროკურატურის მიერ წარდგენილი მტკიცებულებების საფუძველზე, რუსთავის საქალაქო სასამართლომ ბრალდებული დამნაშავედ ცნო წარდგენილ ბრალდებაში და სასჯელის სახედ და ზომად 18 წლით თავისუფლების აღკვეთა განუსაზღვრა.

პროკურატურამ აღნიშნული განაჩენი სასჯელის ნაწილში სააპელაციო წესით გაასაჩივრა, რაც თბილისის სააპელაციო სასამართლომ დააკმაყოფილა და მსჯავრდებულს უვადო თავისუფლების აღკვეთა განუსაზღვრა“, – აცხადებენ პროკურატურაში.

დაგაინტერესებთ: „70-მდე ჭრილობა მიაყენეს და მიიმალნენ…“ – როგორია დაჭრილი მოზარდის ჯანმრთელობის მდგომარეობა

ასევე ნახეთ: რა ემართება თქვენს ორგანიზმს, თუ 7 დღის განმავლობაში ნივრისა და თაფლის ნარევს მიირთმევთ

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

iPhone: https://apps.apple.com/fr/app/sheni/id6746877342?l=en-GB

მოვამზადოთ ორგანიზმი სუსხიანი შემოდგომისთვის

Android: https://play.google.com/store/apps/details…

Telegram არხი: https://t.me/SheniEkimi

ამ სტატიის ციტირება (Vancouver)

SheniAmbebi.ge. „დას ჯერ ავტომანქანა შეაჯახა, შემდეგ კი დანით დაჭრა…“ – სააპელაციო სასამართლომ დამნაშავეს უვადო პატიმრობა მიუსაჯა [Internet]. თბილისი: Sheniekimi/ambebi.ge; 2025 [ციტირებულია: 2026 სექ 6]. ხელმისაწვდომია: https://sheniekimi.ge/ambebi/%e1%83%93%e1%83%90%e1%83%a1-%e1%83%af%e1%83%94%e1%83%a0-%e1%83%90%e1%83%95%e1%83%a2%e1%83%9d%e1%83%9b%e1%83%90%e1%83%9c%e1%83%a5%e1%83%90%e1%83%9c%e1%83%90-%e1%83%a8%e1%83%94%e1%83%90/

sheniekimi.ge/ambebi