დაპირისპირება სომხეთის პარლამენტში — დეპუტატებს შორის ფიზიკური ჩხუბი მოხდა

სომხეთის ეროვნულ ასამბლეაში დეპუტატებს შორის სიტყვიერი კამათი ფიზიკურ დაპირისპირებაში გადაიზარდა. ინციდენტის გამო პარლამენტის სხდომაზე შესვენება გამოცხადდა.

როგორც „არმენპრესის“ მიერ გავრცელებულ ინფორმაციაშია აღნიშნული, დაძაბულობა ფრაქცია „სამოქალაქო კონტრაქტის“ სხდომაზე, დეპუტატ ტარონ ჩახოიანის გამოსვლის დროს დაიწყო.

ჩახოიანმა ფრაქცია „ძლიერი სომხეთის“ ხელმძღვანელს, ნარეკ კარაპეტიანს, შეახსენა მისი ბიძაშვილის წინასაარჩევნო განცხადება. საუბარი შეეხებოდა დაპირებას, რომლის მიხედვითაც, ხელისუფლებაში მოსვლის შემთხვევაში, ქალთა საჭიროებებზე მომუშავე ცალკე სამინისტროს შექმნას აპირებდნენ. ჩახოიანის თქმით, ამ განცხადებისთვის ბოდიში არ მოუხდიათ.

კარაპეტიანმა თავდაპირველად ადგილიდან უპასუხა ოპონენტს, შემდეგ კი ტრიბუნისკენ გაემართა. ამის შემდეგ ვითარება გამწვავდა და დეპუტატებს შორის ფიზიკური დაპირისპირება მოხდა.

ინციდენტის გამო ეროვნულ ასამბლეაში შესვენება გამოცხადდა. დამატებითი ინფორმაცია დაპირისპირების შედეგებისა და მონაწილეების შესაძლო პასუხისმგებლობის შესახებ გავრცელებულ ცნობაში მითითებული არ არის.