საქართველოს მოქალაქე, რომელსაც 2012 წელს მკვლელობისთვის იტალიაში 21 წელი მიუსაჯეს და 100 ყველაზე საშიშ გაქცეულს შორისაა, თურქეთში დააკავეს და იტალიაში გადასცეს.
იტალიის პოლიციის მიერ შაბათ-კვირას გაკეთებული განცხადების თანახმად, 43 წლის მაკა ქატიბაშვილი, სავარაუდოდ, დაკავშირებულია მაფიოზურ კრიმინალურ ორგანიზაციასთან, კერძოდ “კანონიერი ქურდების” ერთ-ერთ კლანთან.
ცნობილი გახდა, რომ ქათიბაშვილი იტალიისა და თურქეთის პოლიციის თანამშრომლობით დააკავეს და რომში გასულ პარასკევს ჩაიყვანეს.
ქატიბაშვილი 2012 წლის 6 იანვარს, სამხრეთ იტალიაში, ქალაქ ბარში, საქართველოს მოქალაქის, ე.წ “კანონიერი ქურდის”, რევაზ ჭურაძის მკვლელობაში მონაწილეობისთვის იძებნებოდა. ადგილობრივი პრესა აცხადებს, რომ მკვლელობა მაფიოზურ დაჯგუფებებს შორის კონფლიქტის შედეგად მოხდა.
