გიორგი ფხაკაძე არუნ ხათრის სოციალურ ქსელში აკრიტიკებს:
“კიდევ ერთი დადასტურება იმისა, რომ როცა არ ხარ პროფესიონალი და საერთოდ არანაირი სამედიცინო განათლება, მეცნიერული ან აკადემიური გამოცდილება (უნივერსიტეტიც კი) არ გაქვს, გარდა იმისა, რომ “ბალახებს” ასაღებ (ღმერთმა იცის, რა არის იმ ბალახებში), აკეთებ აბსურდულ და შეუსაბამო განცხადებებს რეიტინგის ასაწევად.
მართალია, ზოგჯერ ეს შეიძლება სახალისო ჩანდეს, მაგრამ ასეთი ქცევა უკვე მავნებლობაში გადადის. ჩვენ უკვე გვყავს “ბალახების” გამსაღებლები, და ახლა ეს ახალი “ექსპერტიც” დაემატა. ცნობისთვის, ინდოეთში თითქმის 7 წელი ვცხოვრობდი და კარგად ვიცი, რას ვამბობ.
ახლა ამ “ექსპერტის” კომენტარზე ჩემი პასუხი:
1. მაიმუნის ვირუსის ახალი შტამი Clade 1b საშიშია და გააჩნია დაახლოებით 10%-იანი სიკვდილიანობა.
2. ვირუსი არ გადადის ჰაერ-წვეთოვანი გზით; ის ვრცელდება კანის შეხების დროს (სექსუალური კავშირი, ჩახუტება, კოცნა, ხელის ჩამორთმევა და ა.შ.).
3. ამჟამად ამ ვირუსით ინფიცირებულთა 60% არის 18 წლამდე ბავშვი.
4. ამერიკაში ჯერ არ დაფიქსირებულა. ამ ეტაპზე, დადასტურებული შემთხვევები მხოლოდ 3 ქვეყანაშია: შვედეთში, პაკისტანში და ფილიპინებში.
კიდევ ერთხელ დავრწმუნდი, რომ ასეთი შარლატანების კომენტარები არ უნდა დარჩეს უპასუხოდ. წინააღმდეგ შემთხვევაში, ეს თავში უვარდებათ, და რაც ყველაზე საშიშია, საზოგადოებაში შეიძლება გაჩნდეს ცრუ წარმოდგენა, რომ თუ არავინ უპასუხა, ესე იგი, ყველამ, მათ შორის ექსპერტებმა, დაამტკიცეს მათი სიტყვები. ეს დაუშვებელია.
ბატონო “ექსპერტო,” მიხედეთ საკუთარ საქმეს და გააგრძელეთ ბალახების გასაღება…”
აღნიშნული მიმართვა არუნ ხათრიმ Youtube პლატფორმაზე განათავსა:
გიორგი ფხაკაძემ აღნიშნულს facebook ლაივით უპასუხა:
