სახელმწიფო უსაფრთხოების სამსახურის ხელმძღვანელს, გრიგოლ ლილუაშვილს, თანამდებობაზე იუსტიციის ამჟამინდელი მინისტრი ანრი ოხანაშვილი შეცვლის. ოხანაშვილის ადგილზე კი “ქართული ოცნების” დეპუტატი პაატა სალია დაინიშნება. საკადრო ცვლილებების შესახებ მთავრობის ადმინისტრაციაში პრემიერ-მინისტრმა ირაკლი კობახიძემ განაცხადა.
ტელეკომპანია “რუსთავი 2-ის” ყოფილი დირექტორი პოლიტიკაში 2024 წლის დეკემბერში ოფიციალურად მოვიდა, როდესაც სალია მეთერთმეტე მოწვევის პარლამენტის წევრი გახდა. ის “ქართული ოცნების“ სიის 96-ე ნომერი იყო. სალია პარლამენტში მას შემდეგ შევიდა, რაც მმართველი გუნდის 8 წევრს დეპუტატის უფლებამოსილება ვადაზე ადრე შეუწყვიტეს და მათი შეცვლა გახდა საჭირო.
იუსტიციის ახალი მინისტრი აფხაზეთიდან დევნილია და პოლიტიკაში გამოჩენამდე წლების განმავლობაში წარმატებული იურისტი იყო. ის შპს “გაბუნია და პარტნიორების“ წილის მფლობელი გახლდათ, დიმიტრი გაბუნიასა და ფრიდონ მჭედლიძესთან ერთად. ასევე შპს სტრატეგიული დაგეგმვისა და კომუნიკაციის ცენტრის 25%-ის მფლობელი, შპს ჯი ეს ეი კონსალტინგის 33.3%-ის მფლობელი, შპს ჯორჯიან კოსმეტიკის 5%-ისა და შპს ჰოუმ-დორ თბ-ის15%-ის მფლობელია. გააგრძელეთ კითხვა
