ცნობილი ქართველი მსახიობი და რეჟისორი სოსო ჯაჭვლიანი საბურთალოს ე.წ. კერძო სასაფლაოზე დაკრძალეს.
მსახიობი უკანასკნელ გზაზე ტაშით გააცილეს.
სამოქალაქო პანაშვიდი ორი დღის განმავლობაში ქაშუეთის ტაძარში მიმდინარეობდა. გარდაცვლილ მსახიობს პატივი სხვადასხვა სფეროს წარმომადგენლებმა მიაგეს. ოჯახს სამძიმარი პოლიტიკოსებმაც გამოუცხადეს.
სოსო ჯაჭვლიანი 65 წლის ასაკში გარდაიცვალა. ის მძიმე დაავადებას ებრძოდა.
