გასახდომი საუზმე – დილის კვება 2 კომპონენტით, რომელიც წონის კლებაში დაგეხმარებათ

დღის პირველი კვება უნდა შედგებოდეს ცილისგან, არ შეიცავდეს შაქარს, მაგრამ ამავე დროს ნოყიერი და გემრიელი უნდა იყოს.

ჯანსაღი წონის კლება მოითხოვს არა მხოლოდ რეგულარულ ვარჯიშს, არამედ, რაც მთავარია, დაბალანსებულ დიეტას. ცნობილია, რომ თუ კალორიული დეფიციტი არ შეიქმნა, ჭარბი წონა არ გაქრება. წონის დასაკლებად და ფორმაში შესანარჩუნებლად საჭიროა მუდმივად აკონტროლოთ და აირჩიოთ „სწორი“ საკვები.

მაგალითად, ჯობია დილა დაიწყოთ ცილოვანი „ცხიმების მწველი“ საუზმით. დიეტოლოგების ჯეი კოვინისა და ლიზა რიჩარდსის თქმით, ბერძნული იოგურტი და ჩიას თესლი კარგად ასრულებენ ამ მისიას.

მართალია, მხოლოდ ორი კომპონენტია, მაგრამ ისინი უზრუნველყოფენ დანაყრებას, ენერგიას, ავსებენ ორგანიზმს სასარგებლო ნივთიერებებით და ხელს უწყობენ მადის კონტროლს.

ბერძნული იოგურტი (შეგიძლიათ ჩაანაცვლოთ მაწვნით), უპირველეს ყოვლისა, ცილის წყაროა, რომელიც მნიშვნელოვანია მეტაბოლიზმისთვის და არ შეიცავს შაქარს. ჩიას თესლის დამატება ფერმენტირებული რძის პროდუქტში კი მას უფრო ჯანსაღს ხდის.

ჩიას თესლი მდიდარია ბოჭკოებით, ანტიოქსიდანტებით და ომეგა -3 ცხიმოვანი მჟავებით. ყველა ეს საკვები ნივთიერება აქტიურ მონაწილეობას იღებს მეტაბოლიზმში, აჩქარებს ცხიმების წვას და ეხმარება შიმშილის კონტროლს – ადამიანი უფრო დიდხანს გრძნობს თავს დანაყრებულად და არ ჭამს ზედმეტად. ამიტომ დიეტოლოგები მკაცრად გირჩევენ საუზმეზე ბერძნული იოგურტის მომზადებას ჩიას თესლით.

„ბევრმა ადამიანმა არ იცის, რამდენად ჯანსაღი და მარტივი გამოსაყენებელია ჩიას თესლი. ჩია შეიცავს ყველა აუცილებელ ამინომჟავას და ჯანსაღი ცხიმებს, როგორიცაა ომეგა -3 ცხიმოვანი მჟავები, ასევე ანთების საწინააღმდეგოა, რაც კარგია გულის დაავადებების პროფილაქტიკისთვის“, – განმარტავს ლიზა რიჩარდსი. წყარო