გარემოსდაცვითი ზედამხედველობის დეპარტამენტის ინფორმაციით, 2025 წლის 1-დან 30 აპრილის ჩათვლით პერიოდში, ავტოსატრანსპორტო საშუალებების გამონაბოლქვის დადგენილ ნორმებთან შეუსაბამობის 290 სამართალდარღვევა გამოვლინდა. დარღვევები ფიქსირდება როგორც ფიზიკური, ისე იურიდიული პირების მხრიდან.
დარღვევები ქალაქების მიხედვით:
- თბილისი — 119 ფაქტი
- ბათუმი — 73 ფაქტი
- რუსთავი — 55 ფაქტი
- ქუთაისი — 43 ფაქტი
დეპარტამენტის მონაცემებით, 244 დარღვევა ფიზიკურ პირებს უკავშირდება, ხოლო 46 შემთხვევაში დაჯარიმდნენ იურიდიული პირები.
დარღვევების ტიპები:
- მსუბუქი ავტომობილები — 173 შემთხვევა
- მიკროავტობუსები — 108 შემთხვევა
- სატვირთოები — 9 შემთხვევა
წლიური მაჩვენებელი:
2025 წლის იანვრიდან აპრილის ჩათვლით პერიოდში, გამონაბოლქვის ნორმების დარღვევის 1437 შემთხვევა დარეგისტრირდა, რაც გარემოსდაცვითი ზედამხედველობის დეპარტამენტის მიერ გაძლიერებული მონიტორინგის შედეგია.
მიზნობრივი კონტროლი და პრევენცია:
დეპარტამენტი საქართველოს ოთხ დიდ ქალაქში — თბილისში, ბათუმში, ქუთაისსა და რუსთავში — ყოველდღიურად ახორციელებს მოძრავი სატრანსპორტო საშუალებების ხილული გამონაბოლქვის მონიტორინგს. დამატებით კონტროლდება ავტოგასამართ სადგურებზე საწვავის ხარისხიც, რათა შეიზღუდოს დაბალხარისხიანი საწვავის მოხმარება და შესაბამისად, შემცირდეს ატმოსფერული ჰაერის დაბინძურება.
ასევე მიმდინარეობს საწარმოებში მავნე ნივთიერებების გაფრქვევის პრევენციისთვის თვითმონიტორინგის სისტემების დანერგვა — ამ ეტაპზე 35 საწარმოში სისტემა უკვე ამოქმედებულია.
გარემოსდაცვითი ზედამხედველობის დეპარტამენტი აცხადებს, რომ ჰაერის ხარისხის გაუმჯობესება ერთ-ერთი პრიორიტეტული მიმართულებაა და მონიტორინგი გაძლიერებული ტემპით გაგრძელდება.
#drpkhakadze #გიორგიფხაკაძე #davidiani #sheniambebi #აქხარისხია
