ბელგიაში, ქალაქ ჰასროდში, 46 წლის უკრაინელი ქალი და მისი 6 წლის ქალიშვილი, 16 წლის ვაჟმა დანით მოკლა. ინფორმაციას ბელგიური მედია ავრცელებს.
მედია პროკურატურაზე დაყრდნობით წერს, რომ მოზარდმა ბრალი უკვე აღიარა.
გამოძიების ინფორმაციით, ბიჭი დედას და ექვსი წლის დას დანით დაესხა თავს, შემდეგ მათ ცეცხლი წაუკიდა და სკოლაში წავიდა.
ადგილზე მისულმა სამართალდამცველებმა და სასწრაფო დახმარების ბრიგადამ მცირეწლოვანი გოგონა ცოცხალი იპოვეს, თუმცა მისი გადარჩენა ვერ შეძლეს.
მკვლელობის მოტივი ჯერჯერობით უცნობია. გამოძიება ორმაგი მკვლელობის მუხლით არის დაწყებული.
სკანირება
QR კოდი
sheniekimi.ge/ambebi
QR კოდი
სტატიის ციტირება
შენი ამბები. (2025). 16 წლის ბიჭმა დედა და 6 წლის და მოკლა, თავდასხმის შემდეგ კი სკოლაში წავიდა – ის ბრალს აღიარებს. 9 ივნისი, 2025. https://sheniekimi.ge/ambebi/ბრალს-აღიარებს/
