ახალი ინფორმაცია სტიქიის ზონიდან – რა ვითარებაა ტიბეტში, დამანგრეველი მიწისძვრის შემდეგ

ტიბეტში მომხდარი მიწისძვრის შედეგად, ათასობით შენობა განადგურდა. როგორც სააგენტო Reuters-ი წერს, თავშესაფრებში 45 000-ზე მეტი ადამიანია გადაყვანილი.

ბოლო მონაცემებით, სტიქიას 126 ადამიანი ემსხვერპლა. დაშავებულია 188 პირი. ამ დროისთვის, სამძებრო სამუშაოები აღარ მიმდინარეობს.

ჰიმალაის მთისწინეთში, ევერესტთან ახლოს მომხდარი მიწისძვრის სიმძლავრემ 6,8 მაგნიტუდა შეადგინა. ბიძგები იგრძნობოდა ნეპალსა და ინდოეთის ზოგიერთ დასახლებაშიც.