“ასეთი რამ არც ახალ წელს ხდება და არც აღდგომას” – რას წერს ნიკოლოზ რაჭველი სოციალურ ქსელში?

მუსიკოსი ნიკოლოზ რაჭველი სოციალურ ქსელში პოსტს აქვეყნებს:

“მართლა რა ფენომენია ფეხბურთი! მეც მაგრად მიყვარს, თან ახლა, ჩვენი ნაკრების დამსახურებით მთლად სხვა საფეხურზე აიყვანა ჩემშიც და დარწმუნებული ვარ, ძალიან ბევრ ჩემს თანამემამულეში გულშემატკივრობის ხარისხი!

განვიცდი, რომ ერთი მხრივ დაიჩრდილნენ ის საამაყო ახალგაზრდები, რომლებიც სპორტის სხვა სახეობებში ევროპის და ოლიმპიური ჩემპიონები გახდნენ და ასევე ასახელეს საქართველო! თუმცა ისევ და ისევ მართლაც რა ფენომენია ფეხბურთი…

ასეთი რამ არც ახალ წელს ხდება და არც აღდგომას… და მაინც, რა ფენომენია ფეხბურთი, არა?! ჩემი მადლიერება ჩვენს სპორტსმენებს, ფეხბურთელებს, რაგბისტებს, მოჭადრაკეებს, მძლეოსნებს, მოჭიდავეებს და ა.შ. ყველას, ვინც ქართულ დროშას აფრიალებს და ჩვენს ეროვნულ ჰიმნს ასმენინებს მსოფლიოს!”