ტელეწამყვანმა, ყველასთვის საყვარელმა სახემ, თაკო კორინთელმა საკუთარი ჯანმრთელობის შესახებ არაერთხელ ისაუბრა. მან განმარტა, რომ კონკრეტული მედიკამენტების გამო წონაში საგრძნობლად მოიმატა. მკურნალობამ მისი თმის ხარისხზეც იმოქმედა, ამიტომ თაკომ იმიჯი რადიკალურად შეიცვალა და საზოგადოებაში თმის გარეშე გამოჩნდა.
თაკო კორინთელს მხარდაჭერა უამრავმა ადამიანმა გამოუცხადა, მის მიმართ კი დადებით კომენტარებს ადა კომპლიმენტებს არასდროს იშურებენ. მიუხედავად ამისა, გადაცემაში “სიცრუის დეტექტორი” თაკო საუბრობს, რომ მის ჯანმრთელობასთან დაკავშირებული პრობლემები ე.წ. ჯადოს შედეგია:
“ადრე სულ მეცინებოდა ამ თემაზე, მაგრამ ეკლესიაც აღიარებს ამ ყველაფერს. გვინდა თუ არ გვინდა, არსებობს როგორც სიკეთე, ასევე ბოროტება. ადრე იყო საკითხები, რომლებიც სულ სხვანაირად უნდა წარმართულიყო. მერე რომ მივყევი ნაბიჯ-ნაბიჯ, თავიდან დავიწყე რაღაცების გაანალიზება და მივედი დასკვნამდე. ეჭვი რომ შემეპარა, დავიწყე გარკვევა. ამაში პროფესიულად დამეხმარა ჩემი საყვარელი ადამიანი და დამიდასტურა. ის ეჭვები რომ გამიმყარა, უფრო შემეშინდა. არ ვიცი, ამ ყველაფერს როგორ უნდა ვებრძოლო. ერთადერთი ჩემი ბრძოლა არის, რომ მართლმადიდებელი ვარ, ვეზიარები. ეს არის ჩემი დაცვა” – ამბობს თაკო კორინთელი.
