ქართველმა ტელეწამყვანმა ნუკი კოშკელიშვილმა ცოტა ხნის წინ საკუთარი კოსმეტიკური ბრენდი Nuki Cosmetics შექმნა და, როგორც თავად განმარტა, შეეცადა, ხარისხიანი პროდუქტები ყველასთვის ხელმისაწვდომ ფასად შეეთავაზებინა ქართველი მომხმარებლებისთვის. მოგვიანებით კი მან საკუთარი კოსმეტიკა ამერიკულ ბაზარზეც გაიტანა. ამჯერად ნუკი სწორედ ამ საქმიანობაში მიღწეული წარმატების შესახებ ჰყვება და ამბობს, რომ სწორ დროს, სწორ ადგილას აუცილებლად ყველას გაუმართლებს. უფრო კონკრეტულად, ნუკის ერთ-ერთმა პროდუქტმა საქართველოში პოპულარობა ვერ მოიპოვა და თავის მოვლის სხვა საშუალებებისგან განსხვავებით, ის ნაკლებმა ადამიანმა შეიძინა. თავად ამ ფაქტს შეეგუა და ჩათვალა, რომ ამ კონკრეტულმა წამოწყებამ არ გაამართლა. მოგვიანებით კი სწორედ ამ პროდუქტის წარმოებისთვის უფლებების ყიდვა ერთ-ერთმა დიდმა კომპანიამ ისურვა.
“აი, ასე, ეს იყოს გაკვეთილი ყველასთვის! სწორ დროსა და სწორ ადგილას აუცილებლად დაგაფასებენ! არავის არ დაუჯერო, ვინც გეტყვის, რომ არ გამოგივა ან უკეთესებიც არიან!” – წერს ნუკი.
View this post on Instagram
