ავსტრალიაში, ვიქტორიას შტატის დედაქალაქ მელბურნში, უცნობმა მამაკაცმა რესტორნის დაწვა სცადა, რა დროსაც ცეცხლი თავად მოეკიდა. ინფორმაციას BBC ავრცელებს.
ფაქტის ამსახველი ვიდეო კადრები ვიქტორიას პოლიციამ გაავრცელა.
პოლიციის ცნობით, კადრები 2024 წლის 21 მაისით თარიღდება. კადრებში ჩანს, რომ შავებში ჩაცმული უცნობი მამაკაცი შენობას სითხეს ასხამს, შემდეგ კი შემთხვევით ტანსაცმელზე ცეცხლი ეკიდება. პოლიციიის განმარტებით, სათვალთვალო კამერის ჩანაწერები იმისთვის გაავრცელეს, რომ მოქალაქეები უცნობი პირის პოვნაში დაეხმარონ.
