(RFA) თირკმლის სიმსივნის რადიოსიხშირული აბლაცია ოპერაციულ მკურნალობასთან შედარებით ნაკლებად ინვაზიური პროცედურაა, რომელიც სიმსივნური დაავადებების სამკურნალოდ გამოიყენება.
მსგავსი ტიპის ჩარევის დროს ხდება სიმსივნური უჯრედების რადიოსიხშირული აბლაცია.
რადიოსიხშირული აბლაციის უპირატესობა გამოიხატება მინიმალური ინტრაოპერაციული დროის ხანგრძლივობით და პოსტოპერაციული გართულებების სიმცირით. რეაბილიტაცია არ წარმოადგენს განსაკუთრებულ სირთულეს, ასევე დამატებითი უპირატესობაა პაციენტის სტაციონარში მცირე დროით დაყოვნება.
პროცედურა ტარდება მაშინ, როდესაც სიმსივნე მცირე ზომისაა და ლოკალურია, განსაკუთრებულად მიზანშეწონილია კომორბიდულ პაციენტებში, რომელთაც გარდა თირკმლის სიმსივნისა აქვთ რიგი თანმხლები დაავადებები.
შესაძლოა ზოგჯერ, პროცედურის შემდეგ დადგეს რიგი თერაპიების საჭიროება, რაც დამოკიდებულია სიმსივნის ტიპზე, რომელიც დგინდება ინტრაოპერაციული ბიოფსიის შემდგომ.
რადიოსიხშირული აბლაციის (RFA) ჩატარებამდე რამდენიმე კვლევა და პაციენტის მდგომარეობის სწორი შეფასება მნიშვნელოვანია, ძირითადად შემთხვევებში ეს კვლევებია:
კომპიუტერული ტომოგრაფია (CT) რომელიც სიმსივნის ზომის და მდებარეობის ვასკულარიზაციის შესაფასებლად გამოიყენება;
ულტრაბგერითი კვლევა, რომელიც გამოიყენება ტექნიკურად სიმსივნის ლოკალიზაციის მისაწვდომ ჭრილებში გამოსატანად;
მაგნიტური რეზონანსული ტომოგრაფია (MRI) ღრმა კვლევის საჭიროების შემთხვევაში;
ლაბორატორიული ანალიზები: სისხლის საერთო ანალიზი, ორგანოების ფუნქციის და ჯანმრთელობის მდგომარეობის შეფასება, ბიოქიმიური ტესტები თირკმლის და ღვიძლის ფუნქციის შეფასება და ასევე სპეციალიზებულ ექიმთან კონსულტაცია პოტენციური რისკებისა და არსებული მდგომარეობის შესაფასებლად.
(RFA) პროცედურა რამდენიმე ეტაპად იყოფა
პირველადი კონსულტაცია;
გამოკვლევების ეტაპი;
შედეგების განხილვა, რაც მოიცავს პროცედურის აუცილებლობის განმარტებას, პროცედურის მიმდინარეობის, ინტრა/პოსტოპერაციული სამომავლო შედეგების და გართულებების შესახებ ინფორმაციის მიწოდებას პაციენტისთვის, პროცედურის შემდგომი გეგმის დასახვას შესაბამისი პროტოკოლის და გაიდლაინების მიხედვით, რომელიც ძირითადად სიმსივნის ტიპზეა დამოკიდებული.
