საზოგადოებრივი ჯანდაცვის წამყვანი ექსპერტი, პროფესორი გიორგი ფხაკაძე ტელეკომპანია „მთავარის“ ეთერში გასულ სიუჟეტს ეხმაურება – „პირველ რიგში, გთხოვთ გაითვალისწინოთ, რომ ინტერვიუში ჩართულ პირებს არ აქვთ საკმარისი კვალიფიკაცია საზოგადოებრივი ჯანმრთელობის ექსპერტობისთვის, მნიშვნელოვანია, რომ ეს თემები განიხილონ პროფესიონალებმა“
„მსურს განვმარტო რამდენიმე საკითხი, რომელიც გაშუქდა ბოლო სატელევიზიო პროგრამაში.
პირველ რიგში, გთხოვთ გაითვალისწინოთ, რომ ინტერვიუში ჩართულ პირებს არ აქვთ საკმარისი კვალიფიკაცია საზოგადოებრივი ჯანმრთელობის ექსპერტობისთვის და შესაბამისად, არ უნდა ისაუბრონ ისეთ საკითხებზე, რომლებიც დაკავშირებულია საზოგადოებრივ ჯანმრთელობასთან. მნიშვნელოვანია, რომ ეს თემები განიხილონ პროფესიონალებმა, რომლებიც სპეციალურად მომზადებული არიან საზოგადოებრივი ჯანმრთელობის საკითხებში.
მეორე, აღნიშნული ვირუსი არ არის ისეთივე სასიკვდილო, როგორც სტატიაში იყო ნაჩვენები.
ამჟამინდელი ლეტალობის მაჩვენებელი მხოლოდ 0.6%-ია, რაც მნიშვნელოვნად ნაკლებია ადრე გამოცხადებულ მაჩვენებელთან შედარებით.
მესამე, რაც შეეხება გადაცემის გზას, ეს ვირუსი არ გადადის ჰაერ-წვეთოვანი გზით. ის გადადის პირდაპირი კონტაქტით, მათ შორის სექსუალური კონტაქტით, ხელის ჩამორთმევით, კოცნით და თუნდაც ერთიდაიგივე საწოლის თეთრეულის გამოყენებით. ამჟამად ინფიცირებულთა უმრავლესობა (60%) ბავშვია – 18 წლამდე და ქალები, რომლებიც არიან სექსუალური მუშაკები.
გარდა ამისა, მსურს ხაზი გავუსვა, რომ ამ ვირუსის გავრცელების ალბათობა საქართველოში ძალიან მცირეა. გავრცელების არ არის ისე, როგორც COVID-19. ამჟამად, საქართველო დგას ორი საზოგადოებრივი ჯანმრთელობის გამოწვევის წინაშე: COVID-19, რომელთანაც მეზობელი ქვეყნები სერიოზულ პრობლემებს აწყდებიან და დასავლეთ ნილოსის ცხელება, რომელიც დაფიქსირდა სომხეთში, რაზედაც “ექსპერტები” არ ამახვილებენ ყურადღებას.“
